Sunda merupakan salah satu suku, budaya, etnis di Pulau Jawa Indonesia. Beraneka kebudayaan dihasilkan dari masyarakat Sunda sejak dahulu, salah satunya kebudayaan sastra, dalam pemaparan berikut akan memberikan contoh sajak Sunda :
SUNDA
( Ginulur Nugraha )
Dulur,
Pangjagakeun tanah warisan luluhur
Tina pangrobeda jeung tarekahna durujana
Geuingkeun turunan urang nu masi keneh morongkol
Diharudum simbut teu purun
Sunda padungdung tarung
Ngayonan sagala kamunafekan
Tumpes saha-saha anu deleka
Sing taya tapakna
Lamun Sunda geus balik deui kasalna
Luh-luh tangkal tanjung ngiricikna cai wahangan
Sarta hejo lembok geus walatra ka saban madhab
Kula mo hariwang rek mulang ka kalanggengan
PEUTING DI KAMPUNG
( Yus Rusyana )
Indung peuting nu
ngadingding ngan ukur jadi panggeuing
Mega hideung nu
maleukmeuk ngan ukur nambah kasieun
Kabeh naritah
nyingkah ka jauhna
Peuting jempling
ngan jadi karungsing
Bulan mencrang ngan
jadi karingrang
Taya lanjang nu
ngagondang
Taya bujang nu
maridang
Da bulan matak
salempang
Taya mojang nu
ngabungbang
Taya bujang nu
ngaranjang
Taya nu sare
nyangkere
Da hate kabeh
nyanggeyeng
Panon caleuy
neuteup hateup
Paneuteupan
panglamunan
Dimana
nyangsangkeun badan
Ngan subuh nu
ditinggu
Bray beurang nu
diantian
Da mun subuh
pangacian jadi karumpul
Da mun beurang nya
raga aya nyawaan
Da ngan beurang
manehna bisa rumingkang
BANDUNG SILALATU
( Sayudi )
Maranehna ngabedega
napak mangsa
Nu nancebkeun
belati-belati revolusi
Nu ngindungkeun
kabebasan napas bangsa
Nu leungeunna nyawa
jenu kota
Maranehna ngabadega
napak dada
Tulang tonggong
bolong pelor
Sakali kapal
monteng ngarampas nyawa
Sarebu nica paragat
nu congo bedog
RAJAH KI TANI
( Yayat Hendayana )
Kaula boga pacul di
juru imah
Jeung tekad di jero
dada
Duanana dijieun
tina waja
Sadiakeun keur
kaula sajeungkal tanah
Cadas teuas atawa
gunung batu
Sakali pacul ngayun
jleg jadi sawah
Cadu lamun teu
subur
Serenkeun ka kaula
tanah anggar ngabaketrak
Ku kesang anu
ngareclak baris robah jadi leutak
Montong dibibita
kaula ku pasir emas
Nu aya luhureun
kertas
Nu saukur
pangbebenjo budak ogo
Tekad kula pantrang
luntur
Pacul kula tara
mintul
Kaula keukeuh teu
suka
Mun leuit lading
tanaga
Digunasika
duruwiksa
HAREWOS BOJONG
( Hadi Faturohman )
Dina tungtung
peuting
Basa hujan teu jadi
dating
Aya harewos na
jeroning hate
Teu apal
saha-sahana
Teu nyaho rupana
Teu inget di mana
kungsi panggih jeung manehna
Tapi eta harewos
Lir sora angin nu
ngahiuk
Siga sora galura di
sagara
Estu matak ketir
Estu matak gimir
Sok sanajan ngan
ukur harewos
Nu matak ahengna
Eta sora kungsi
jadi cirri
Lamun kuring keur
nandangan kanyen
Najan ukur bari
ngaharewos
LALAKI NU BALIK JURIT
( Rahmat M. Sas. Karana )
Wanci layung hurung
koneng
Manehna dating
leungeuna euweuh sapotong
Bedil nyolegrang na
tonggong
Pelor ngaberes
handapeun cangkeng
Hiji lalaki bajuna
hejo kapulas taneuh
Dipangperangan taya
waktu pikeun nyeuseuh
Sakiceup waktu
ngingintip langahna musuh
Mun manehna masih
keneh embung paeh
Lebah pager imahna
manehna ngarandeg heula
Uteukna nyarita
mepes kanyeri nu baris tumiba
“Ema, kuring untung
bisa mulang
Sedeng mitra rea nu
palastra
Di hiji taneuh nu
direbut ditebus getih “
Panto hareup
ngageret aya nu muka
Hiji wanoja nu geus
aya umurna
Ngagoak lumpat
ngarangkul anu ngajanteng
Cimata indung
maseuhan buuk anakna
Hiji lalaki bajuna
hejo kapulas taneuh
Wanci layung hurung
herang
Manehna dating
dipapag cimata indung
Sedeng ‘na
beungeutna taya gambar rasa tugenah
Sajak Sunda